Казачны Мінск у навагоднюю ноч

З дзяцінства мы памятаем, як чакалі цудаў у навагоднюю ноч і спадзяваліся, што ў наступным годзе ўсе мары споўняцца. Прайшлі гады, але адносіны шмат у каго да гэтых святочных імгненняў не змяніліся.

Мы вырашылі паказаць родны горад мінчукам і ўсім гасцям нашай сталіцы ў незвычайным, крыху казачным, ракурсе.

Магчыма гэтыя здымкі, зробленыя на працягу апошняга года, дапамогуць па-новаму зірнуць на прывычныя дамы і вуліцы, зробяць будзённае жыццё крыху прыгажэйшым.

З Новым годам, сябры!

24 верасня, ранішні туман у новым мікрараёне на праспекце Пераможцаў.

Мінск-Арэна, веладром і Спаса-Прэабражэнская царква у тую ж раніцу.

Музей Вялікай Айчыннай вайны на праспекце Машэрава і і будынкі-караблі на праспекце Пераможцаў.

Гатэль “Вікторыя-Алімп” і хмарачосы, якія плывуць па-над туманам…

6 красавіка, сонца ўзыходзіць над вадасховішчам Дразды.

2 верасня, раніца ў мікрараёне Сокал.

22 красавіка, завулак Адзінцова.

Нацыянальная бібліятэка і паркоўка каля яе.

Нацыянальная акадэмія навук.

19 лютага, Траецкае прадмесце і той самы "дом Чыжа", які так не падабаецца многім жыхарам Мінска. З дапамогай ільдзіны я паспрабаваў крыху палепшыць гарадскую архітэктуру…

10 лістапада, музей валуноў у мікрараёне Уручча.

Той жа мікрарайон Уручча.

9 кастрычніка, парк Чалюскінцаў і батанічны сад.

7 кастрычніка, гатэль "Агат" і Сляпянская водная сістэма.

У гэты дзень у Мінску выпаў першы снег. Так выглядаў раніцай Усіхсвяцкі храм-помнік.

20 студзеня, каля Нацыянальнай акадэміі навук ёлку яшчэ не прыбралі…

25 студзеня па вуліцы Прытыцкага хадзілі ласі.

2 лютага, дом Міласэрнасці.

16 студзеня, Верхні горад і Траецкае прадмесце.

А завяршаем мы свой святочны рэпартаж аднаўленнай гарадской ратушай у самым цэнтры Мінска.

Ратуша – сімвал незалежнасці горада.

Няхай заўжды і Рэспубліка Беларусь будзе незалежнай краінай!